“İmarət” Azarkeş qrupu olaraq illərdir məqsədimiz və arzumuz olan Xankəndi şəhərində keçiriləcək matçda tribunada öz yerimizi alacağıq.

Azarkeş qrupunun Tayfa qolu tribuna mentallarına uyğun olaraq sabahkı oyuna getməyəcək.

İmarət Tayfanın bəyənatı:

21 Dekabrda Azərbaycan Kuboku üzrə Xankəndi Şəhər Stadionunda keçiriləcək Qarabağ-MOİK oyunu ilə bağlı önəmli bir məlumatı futbol ictimaiyyətinin nəzərinə çatdırmaq istəyirik.

Qrup olaraq hər zaman “Azad Azarkeş Qrupu” ifadəsinə sadiq qalır, əsl futbol fanatiklərinin və ultras mentalitetinin prinsiplərini qoruyuruq. Aidiyyatı dövlət qurumlarının bu oyuna olan həssas yanaşmasını və diqqətini anlayışla qarşılayır və hörmət edirik. Düşmənə göz dağı olacaq bu önəmli qarşılaşmanın bir parçası olmağı hər kəs kimi biz də istəyirik. Lakin, heç bir təklif, tələb və fürsət yuxarıda sadaladığımız prinsiplərin pozulmasına səbəb ola bilməz.
Odur ki, həm Qarabağ klubuna, həm də aidiyyatı dövlət qurumlarına göstərdikləri qayğı və diqqətə görə təşəkkür edir, Qarabağ-MOİK qarşılaşmasında tribunada yer almayacağımızı bildiririk. Xüsusilə vurğulamaq istəyirik ki, bu qərar kluba və ya hansısa quruma qarşı etiraz və ya boykot mahiyyəti daşımır. Sadəcə özümüzə qoyduğumuz prinsiplərin qorunması səciyyəsi daşıyır.

Diqqətinizə görə təşəkkür edirik!