Since1951.az saytının azarkeşlər arasında keçirdiyi ənənəvi “İlin futbolçusu” sorğusu yekunlaşıb. Sorğunun nəticələrinə əsasən, səs verənlərin 80%-nin seçimi Leo Andrade olub.

Mövsüm ərzində göstərdiyi stabil və yüksək səviyyəli oyunla azarkeşlərin rəğbətini qazanan Leo Andrade həm meydandakı mübarizliyi, həm də komandaya verdiyi töhfə ilə seçilib. Onun performansı azarkeşlərin böyük əksəriyyəti tərəfindən yüksək qiymətləndirilib və bu da sorğunun nəticələrində açıq şəkildə öz əksini tapıb.

Since1951.az kollektivi olaraq Leo Andradeni “2025-ci ilin futbolçusu” seçilməsi münasibətilə təbrik edir, ona karyerasında davamlı uğurlar, sağlamlıq və yeni nailiyyətlər arzulayırıq.

Azarkeşlərimizə isə sorğuda fəal iştirak etdiklərinə görə təşəkkür edirik. Qarşıdakı dövrlərdə də futbolumuzla bağlı maraqlı layihə və sorğularla sizinlə olacağıq.